बागलुङ/नेपाल सरकारले तत्कालिन नेपाल पत्रकार महासंघ धौलागिरी शाखाका पूर्व अध्यक्ष तथा अधिवक्ता डा. नारायणदत्त कँडेललाई महान्यायाधिवक्ता नियुक्त गरेको छ । महान्यायाधिवक्तालाई सरकार र प्रधानमन्त्रीको कानूनी सल्लाहकार मानिन्छ ।
कानून व्यवसायीको नियमन गर्ने, परीक्षा लिने, लाइसेन्स दिने संवैधानिक अंगको रुपमा पनि महान्यायाधिवक्ताको काम हुने गर्छ । बागलुङको काठेखोला गाउँपालिका वडा नं. ५ कर्लिमका कँडेलले अभिव्यक्ति स्वतन्त्रता विषयमा बेलायतबाट विद्यावारिधी गरेका छन् ।
कँडेल नेपाल पत्रकार महासंघ बागलुङको २०५८ देखि २०६१ सम्म अध्यक्ष थिए । पत्रकारितासँगै कानूनको अध्ययन गरेपछि कँडेल राजधानी हुँदै बेलायत गएका थिए । उनले बेलायतको कन्सुलरमा पनि वकालत गर्थे भने नेपाल फर्केपछि पनि उनी निरन्तर वकालतमा सक्रिय छन् । राष्ट्रिय स्वतन्त्र पार्टीका सभापति रवि लामिछाने विरुद्दका विभिन्न मुद्दामा उनले बहस गर्दै आएका छन् ।
महान्यायाधिवक्ताको कार्यालय देशभरका सबै सरकारी वकिलको तालुक कार्यालय समेत हो । सरकार विरुद्दका मुद्दामा महान्यााधिवक्ताले प्रतिरक्षा गर्ने, फौजदारी मुद्दामा मुद्दा चलाउने नचलाउने अधिकार समेत महान्याधिवक्तामा निहित हुने कानूनी प्रावधान छ ।
पूर्व प्रधानमन्त्री सुशिला कार्कीले नियुक्त गरेको महान्याधिवक्ता सबिता बराल भण्डारीले राजिनामा दिएपछि कँडेल नियुक्त भएका हुन् ।
पत्रकार महासंघ बागलुङका पूर्व अध्यक्ष कँडेल महान्यायाधिवक्ता नियुक्त
