पर्वत – पाकिस्तान पुगेर नेपालका लागि पदक जितेका पर्बत कुश्मा निवासी आफ्नो ग्रुपका सदस्य कृष्ण परियारलाई स्टार ग्रुप पर्बतले एक कार्यक्रमका बिच सम्मान गरेकोछ।
करिब दुई हप्ता अगाडि पाकिस्तानमा सम्पन्न भएको क्रस कन्ट्री च्याम्पियनसिपमा कांस्य पदक जितेका कुश्माका कृष्ण बहादुर परियारलाई ग्रुपले बाइक र्यालिको साथमा कुश्मा बजार परिक्रमा गरेर खुसियाली मनाउदै सम्मान गरेको थियो।
परियालाइ सम्मान पत्रले सम्मान गर्दै स्टार ग्रुप पर्बतका अध्यक्ष कृष्ण पुनले यो पर्बतको लागि खुसिको खबर भएको र आगामी दिनमा पनि भाइको उज्जल भबिस्यको कामना सहित ,परियारले जितेको पदकले अन्य साथिहरुलाइ पनि हौसला र प्रेरणा मिल्ने बताए ।
गत फागुनको नौ गतेदेखि १२ गतेसम्म पाकिस्तानको इस्लामावादमा सात राष्ट्रहरू सहभागी भएको एथ्लेटीक्समा परियारले आठ किलोमिटर लामो समूह दौडमा कांस्य पदक जितेका थिए । कुश्मा नगरपालिका–४ घर भई कुश्माकै विद्यालयमा अध्ययन गरेका परियारले अन्तर्राष्ट्रिय खेलबाट देशलाई पदक जिताउन सफल भयका हुन।
पदक विजेता परियारले २०७५ सालदेखि नै कुश्मा नगरपालिकाबाट राष्ट्रपति रनिङ शिल्डमा तीन हजार मिटर र १५ सय मिटरको लामो दौडमा स्वर्ण पदक जित्दै आएका खेलाडी हुन् । सुरुमा कुश्माको नारायण माध्यमिक विद्यालयमा अध्ययन गरेका उनले एस.ई.ई. भने कालीगण्डकी एकेडेमीबाट गरेका थिए । हाल उनी पोखरा स्थित कालिका माध्यमिक विद्यालयको कक्षा १२ मा अध्ययनरत छन् ।