बागलुङ -सहारा राहत कोष स्थापनाका लागि बागलुङको दक्षिण कुश्मिसेरा बजारमा यो बर्ष पनि तेस्रो जैमिनी महोत्सब आयोजना हुन लागेको हो।आगमी पुष २९ गते देखि माघ ५ गते सम्म तेस्रो जैमिनी महोत्सव गर्न लागेको माघेसंक्रान्तिको अवसमार लाग्ने पुरानो तथा ऐतिहासिक मेला २०७० सालदेखि सहारा युवा क्लबको अगुवाईमा मेला तथा महोत्सव हुँदै आएको छ ।
जैमिनी नगरपालिकाको मुख्य सहयोगमा उक्त महोत्सवको आयोजना गरिएको क्बलका अध्यक्ष सुरेश सुनारले जानकारी दिनुभयो । जैमिनीको ऐतिहासिक मेला माघेसंक्रमन्ती मेलालाई निरन्तरता दिदै संकृतिको प्रर्बद्धन गर्नका लागि तेस्रो जैमिनी मेला आयोजना गर्न थालिएको हो।
मेलामा स्थानीय तथा बाह्य औधोगिक उत्पादन सेवाको विक्रि, वित्तिय संस्थाहरुको स्टल प्रर्दशनी, कृषि, जडिबुटि तथा पशुजन्य उत्पादनको प्रदर्शन एवं विक्री, सूचना प्रविधि सम्बन्धी परामर्श र घरेलु तथा हस्तकलाका सामानहरुको पर्दशनी रहने छ । तेस्रो जैमिनी महोत्सव कुश्मिसेरा बजारको सहारा खेल मैदानमा हुनेछ ।
मेलामा वडा स्तरी खुल्ला पुरुष भलिबल प्रतियोगिता, खुल्ला महिला भलिवल प्रतियोगिता, खुल्ला नौमती बाजा प्रतियोगिता र स्थानीय लोपन्मुख झाँकी प्रर्दशनी गरिने छ ।