गृह पृष्ठ खेलकुद गण्डकी प्रदेश स्तरीय सेभेन ए साइड फुटबल प्रतियोगितामा पर्वतमा हुने

गण्डकी प्रदेश स्तरीय सेभेन ए साइड फुटबल प्रतियोगितामा पर्वतमा हुने

पर्वत : कुश्मा स्पोर्टस क्लबको आयोजनामा पर्वतमा गण्डकी प्रदेश स्तरीय सेभेन ए साइड फुटबल प्रतियोगिता आयोजना गरिने भएको छ। प्रतियोगिता आउँदो चैत २२ देखि २६ गतेसम्मको लागि आयोजना गर्न लागिएको हो ।
कोभिड–१९ सङ्क्रमणको जोखिम न्यून हुँदै गएकाले खेल क्षेत्रलाई चलायमान बनाउने र खेलाडीहरूलाई पनि जागरूक बनाउने उद्देश्यले प्रदेश स्तरीय प्रतियोगिताको आयोजना गरिएको क्लबका अध्यक्ष विक्रम श्रेष्ठले बताए । पर्वतमा रहेको खेल मैदानमा २०५८ सालमा सशस्त्र प्रहरी बलको गण राखिएपछि खेल मैदानको अभावमा रहेकोमा हालै मात्रै व्यवस्थित मैदान बनाएपछि प्रतियोगिताको आयोजना गरिएको हो ।
‘यहाँका खेलाडीहरूलाई अभ्यास गर्ने ठाउँको अभाव थियो । अहिले प्रदेश मन्त्रालयले पाँच लाख दिएपछि बडागाउँको मैदानलाई व्यवस्थित बनाएका छौँ । यही कारण पनि बल्ल प्रतियोगिताको आयोजना गरिएको हो,’ अध्यक्ष श्रेष्ठले भने, ‘कोभिडका कारण बन्द अवस्थामा रहेको खेल क्षेत्रलाई चलायमान बनाउनको लागि पनि यो प्रतियोगिताको आयोजना गरिएको हो। खेलको माध्यमबाट युवालाई सही बाटोमा ल्याउन पनि भूमिका रहेको हुन्छ ।’
उनका अनुसार प्रतियोगिताको विजेताले नगद एक लाख ५० हजार र उपविजेताले ७५ हजार रुपैयाँ पाउने छन् । प्रदेशका सबै जिल्लाबाट कम्तीमा पनि एक टिम सहभागी गर्ने तयारी गरिएको र टिम पुगेमा एक भन्दा बढी पनि सहभागी हुन पाइने छ । नक आउटको आधारमा खेलाइने उक्त खेलमा कम्तीमा पनि २० समूहले प्रतिस्पर्धा गर्न सक्ने आयोजकको अनुमान छ । समूह दर्ताका लागि आठ हजार रुपैयाँ तोकिएको र बाहिरी जिल्लाबाट आएका खेलाडीहरूलाई बसाई व्यवस्थापनको लागि केही सहयोग गर्ने गरी प्रयास भइरहेको अध्यक्ष श्रेष्ठले बताए ।
करिब १५ लाख खर्चको अनुमान गरिएको प्रतियोगिता सञ्चालन गर्नका लागि स्थानीय तहहरू सहित सरकारी र निजी सङ्घ संस्थाहरूलाई सहयोगदाताका रूपमा हेरिएको छ । खेलबाट रकम जम्मा हुने अवस्था आएमा उक्त रकमबाट खेलका माध्यमबाट पर्यटन क्षेत्रलाई चलायमान बनाउने, युवाहरूको लागि क्षमता अभिवृद्धि कार्यक्रमहरू सञ्चालन गर्ने, युवा शक्तिलाई सामाजिक क्षेत्रमा अग्रसर गराउने, मोदीबेणी धाममा रहेको वृद्धाश्रममा बस्दै आएका ज्येष्ठ नागरिकहरूलाई सहयोग गर्ने, गरिब तथा जेहेन्दार र कोभिडका कारण अभिभावक गुमाएका खेलाडीहरूको लागि निःशुल्क प्रशिक्षण, पोसाक र अध्ययनका लागि सहयोग गर्ने लगायतका कामहरू गर्ने क्लबले बताएको छ ।
सेभेन ए साइड भएका कारण प्रतियोगितामा सहभागी समूहबाट सात जना खेलाडी मात्रै मैदानमा उत्रिने छन् । यो खेलका लागि ४० मिनेटको समय निर्धारण गरिएको हुन्छ ।

छुटाउनुभयो कि?

जिते पदमपाणीले!उपमेयर लाई धक्का,फलेवासको केन्द्र झकलकमा पक्का।

पर्बत-फलेवास नगरपालिकाको भवन सार्ने निर्णय कार्यान्वयन हुने भएको छ । सर्बोच्च अदालतको आदेश अनुसार साविकको स्थान खानीगाउँ स्थित सिँचाई कार्यालय बाट झकलकमा सर्ने भएको...

पर्वतको खौलामा श्रीमतीको घाँटी बाँधेर हत्या

पर्वत,१७ मंसिर- कुश्मा नगरपालिका १३ खौलालाँकुरीका एक व्यक्तिले श्रीमतीको घाँटी बाँधेर हत्या गरेका छन् । गएको कात्तिक १५ गते महिलाको शव शङ्कास्पद अवस्थामा भेटिएपछि...

१९ बर्षिय किशोरीलाई जबरजस्ती करणी गरेको अभियोगमा पर्वतमा युवा पक्राउ

पर्वत,७  मंसिर-१९ बर्षिय एक किशोरीलाई जबरजस्ती करणी गरेको अभियोगमा पर्वतको मोदी गाउँपालिका बस्ने ३२ बर्षका दिपक परियारलाई प्रहरीले पक्राउ गरेको छ । जबरजस्ती करणीको...

एकै दिनमा टिकटक र युटुबमा चर्चामा कस्तुप पन्त भन्छन ‘जिन्दगी पानीको फोका । के रैछ हेर्नुस्’ रामजी र मालतीको दमदार अभिनय भिडियोसहित

काठमाडौँ,२३ असोज - लोकप्रिय गीतकार तथा सर्जक कस्तुप पन्तको 'जिन्दगी पानीको फोका...' सार्बजनिक भएको छ । गीतसंगीत क्षेत्रमा एक युग बिताइसकेका पन्तको लय तथा शब्दमा...

काेराेना संक्रमणबाट अमलाचौरमा एक जनाको ज्यान गयो!!

बागलुङ-काेराेना संक्रमणबाट बागलुङमा थप एक जनाकाे मृत्यु भएकाे छ । बागलुङ नगरपालिका वडा नम्बर १२ अमलाचौरकी ७० वर्षीया कोरोना संक्रमित महिलाको उपचारका लागि अस्पताल...