पर्बत – लामो समय देखि साङ्गीतिक यात्रामा लागेका चित्र सागर श्रेष्ठले बजारमा दारी पालेको गित ल्याएका छन् । विश्वको जुन सुकै ठाउँबाट पनि हेर्न मिल्ने गरी युट्युवमा गित राखेको आफ्नो ब्यक्तिगत फेसबुक बाट श्रेष्ठले जानाकारी गराएका छन् ।बाल्यकाल देखिनै साङ्गीतिक यात्रामा लागेका श्रेष्ठ लाइभ दोहोरीमा प्रखर मानिदै आएका छन् । २०५८ सालमा मस्र्याङ्दीमा पुल बोलको एल्बम पहिलो पटक बजारमा ल्याएको श्रेष्ठले बताए । उनी भन्छन् – “कसैलाई रक्सिको नसा लाग्छ तर मलाई सानै उमेरबाट नै गित संङ्गितको नसा लाग्यो । धेरै कलाकारहरु घर,गाडी जोड्न सम्म भ्याए तर म एउटा त्यस्तो ब्यक्ति होला संगितको मोहले घर,बास बिहिन जस्तै पनि भए कुनै बेला” । गायक तथा सर्जक श्रेष्ठ २०६७,६८ सालमा गण्डकी माछापुच्छ्रे वेस्टन युनियन लोक दोहोरी ताराको बिजेता समेत हुन् ।
सकिन मौरी झै डुल्छु भनेनी, भट्टी खोलेर जस्ता थुप्रै गितहरु बजारमा ल्याइसकेका श्रेष्ठले शनिबार फेरी दारी पालेर गित नेपाली साङ्गीतिक बजारमा ल्याएका हुन् । यो गितले खास गरी माया प्रेम र साथि भाइको देखा सिकी गर्ने प्रवृतिलाई दर्साउन खोजेको छ । गितमा आफ्नै आवाज भरेका छन् भने महिला आवाज देवी घर्तिको छ । समुन्द्र गिरीको लयमा कुमार केसिले यो गितलाई निर्देशन गरेका छन् । गण्डकी प्रदेशको राजधानी पोखरा लगायत यसै प्रदेशको विभिन्न ठाउँको मनोरम दृश्य यो गितको भिडियोमा देख्न सकिन्छ ।
हेर्न यहाँ जानुस