पर्वत । पछिल्लो समय पर्यटनको हव बन्दै गरिहेको सुन्दरनगरी कुश्मा बजारमा सुविधाजनक “याम्मी किचन हाउस” एण्ड रेष्टुरेन्ट सञ्चालनमा आएको छ । करिब ७ बर्ष जापान बसेका बाग्लुङ काठेखोलाका दिल रानाले रेष्टुरेन्ट सञ्चालनमा ल्याका हुन् । लामो समय देखि बाग्लुङ बजारमा सञ्चालन भइरहेको रेष्टुरेन्टको नयाँ शाखा कुश्माको म्यनरोडमा खोलिएको हो । विल्कुलै फरक परिवेशले सञ्चालन गरिएको रेष्टुरेन्ट निकै सुन्दर तरिकाले सजाइएको छ । रेष्टुरेन्टमा स्वादिलो नेपाली खाना, खाजाका सम्पुर्ण परिकार, चिया कफि पाइनुका साथै विशेष आर्कषणको रुपमा तिब्बती खाना र खाजाका परिकारहरु रहेका छन्, भने अध्ययन गर्दै गरेका विद्यार्थीहरुलाइ विषेश छुटमा खाजा खुवाइने सञ्चालक दिल रानाले बताउनुभयो । रानाले आफुले जापानमा सिकेको सिप नेपाल फर्किएपछि बाग्लुङमा प्रयोग गरेको र बाग्लुङमा केही मात्रमा सफल भएपछि ग्राहकहरुको साथ र मायाले नयाँ शाखाहरु बिस्तार गर्न थप उर्जा मिलेको बताउनुभयो । उहाँले भन्नुभयो, “हिजोका दिनहरूमा आफै रोजगारीको लागि कहिले नेपालमै त कहिले विदेश भौँतारिएको थिए आज आफ्नै व्यवसाय सञ्चालन गरेर १४ जना युवाहरुलाइ रोजगार दिन पाएकोमा खुशी छु ।” ग्राहकहरुको चाहनालाई मध्यनजर गरेर गुणस्तरीय खाना खाजा र व्यवस्थापन गर्न सके आफ्नै ठाउँमा यस्तै व्यवसाय गरेर राम्रो आम्दानि गर्न सकिने कुरा पनि सञ्चालक दिल रानाले बताउनुभयो । रेष्टुरेन्टमा होम डेलिभरिको व्यवस्था हुनुका साथै वर्थ–डे केकहरु पनि उपलब्ध गराईने रेष्टुरेन्टका म्यानेजर दिपक सुनारले बताउनुभयो ।