काठमाडौँ,२३ असोज – लोकप्रिय गीतकार तथा सर्जक कस्तुप पन्तको ‘जिन्दगी पानीको फोका…’ सार्बजनिक भएको छ । गीतसंगीत क्षेत्रमा एक युग बिताइसकेका पन्तको लय तथा शब्दमा बुधबार ‘जिन्दगी पानीको फोका…’ बजारमा सार्बजनिक भएको हो । गीतमा चर्चित गायक रामजी खाँण र गायिका अन्जु पन्तको आवाज रहेको छ । सारथि म्युजिक प्रालिको ब्यानरमा तयार गरिएको उक्त गीतले छोटो समयमा नै धेरैको मन जित्न सफल भएको छ । भिडियोमा गायक रामजी खाँण र मालती घलेको दमदार अभिनय देख्न सकिन्छ । पछिल्लो समयका एकदमै आशा लाग्दा निर्देशक मौसम हिमालीको निर्देशनमा तयार गरिएको भिडियोलाई अजय रेग्मीले छायांकन गरेका हुन् । जनता डिजिटल एण्ड फिल्म्सले पोस्ट प्रोडक्सन गरेको उक्त भिडियोको अमृत चापागाईले सम्पादन गरेका छन् ।
भिडियो हेर्नुहोस्