१३ साउन काठमाडौं । इंग्ल्यान्डका फास्ट बलर स्टुअर्ट ब्रोडले ५०० टेष्ट विकेट पूरा गरेका छन् ।
घरेलु मैदानमा भइरहेको वेष्ट इन्डिजसँगको तेस्रो तथा अन्तिम टेस्ट अन्तर्गत मंगलबार एक विकेट लिँदै ब्रोडले उक्त उपलब्धि हासिल गरेका हुन् ।
उनले क्रेग ब्रेथवेटको विकेट लिँदै ५०० विकेटको कोसेढुंगा पार गरेका हुन् ।
टेष्टमा ५०० विकेट लिने ब्रोड विश्वको सातौं बलर हुन् भने इंग्ल्यान्डका दोस्रो बलर हुन् । यसअघि जेम्स एन्डरसनले यस उपलब्धि हात पारेका थिए ।