बागलुङ/ यी हुन दल बहादुर नेपाली अर्थात “माइला दाइ’’ । बाग्लुङ नगरपालिका–१२ अमलाचौर टाकुरी बस्ने उनी अहिले ४० बर्षका भए । बिगत २३ बर्ष देखि उनको दैनिकी जाबेल, बेल्चा र गैची संग बितेको छ ।
तीन भाइमध्यका माइला छोरा उनी यहि पेशाबाट परिवार पाल्दै आयका छन । अहिले उनको परिवारमा श्रीमति र दुई छोरा एक छोरी छन् । दिनभरी कर्मी कामबाट आएको आम्दानिले छोरा छोरी र श्रीमति लाई खाना लाउन पुराएका माइला दाइले घर घडेरी समेत जोडेका छन ।
उनले र उनको टिमले हालसम्म बागलुङ नगरपालिकाको बलेवा क्षेत्रमा थुप्रै घरहरु निर्माण गरिसकेका छन । उक्त क्षेत्रमा माइला दाइले बनायको घर भने पछि सबैले प्रसंसा समेत गर्दै आयका छन ।
सरल मेहेनती र इमान्दार कर्मिको रुपमा परिचित माइला दाइलाई सबैले रुचायकै कारण अहिले उनी देश छोडेर प्रदेश जाने थुप्रै युबाहरुको बिचमा सीप भए आफ्नै गाउमा मनग्य कमाउन सकिन्छ भन्ने उदाहरण पात्रको रुपमा परिचित छन ।
मेलापात डटकमसंग कुरा गर्दै उनले भने –‘१७ बर्षको उमेरदेखि नै यहि पेशामा लागियो, गर्दै जाँदा सिक्दै पनि गइयो, अहिले भने साथिहरुसंग टिम बनायर काम गरियको छ । कमाइ पनि राम्रै छ । बिहाना बेलुका घरको काम गर्यो दिउँसो यहि काममा हिड्यो म खुसी छु ।’ बार्षिक सात लाख भन्दा धेरै आम्दानी हुने गरेकोसमेत उनले सुनाए ।
माइला दाइले देश छोडेर बिदेश जाने युबाहरु लाई सीप सिकेर आफ्नै देशमा रोजगारीसंग जोडिन आग्रह समेत गरे । सीप भएका युबाहरु लाई स्थानियदेखि प्रदेश र केन्द्र सरकारले पनि हौसला र प्रोत्साहन गर्नु पर्ने उनको भनाई छ ।
अमलाचौरका दल बहादुर ‘माइला कर्मी’ जसले कमाउछन आफ्नै ठाउमा बार्सिक सात लाख
