पर्वत,१ भदौ – पर्वत जिल्लामा पछिल्लो पटक गरिएको कोरोना ७१ जनाको रिर्पोट नेगेटिभ आएको छ ।
क्षयरोग उपचार केन्द्र पोखरामा गरिएको परिक्षणमा स्वास्थ्यकर्मी, सुरक्षाकर्मी र क्वारेन्टाईनमा रहेका सर्वसाधरणको रिर्पोट नेगेटिभ आएको हो ।
जिल्ला संकट ब्यबस्थापन केन्द्र(डिसिसिएमसी) पर्वतले दिएको जानकारी कोरोना संक्रमणको जोखिममा रहेका बिभिन्न क्षेत्रका मानिसको श्वाब परिक्षण गर्ने क्रममा क्वारेन्टाईनमा बसेका एक जनाको रिर्पोट पोजेटिभ आएपनि बाँकीको रिर्पोट नेगेटिभ आएको छ । क्वारेन्टाईनमा बसेका ४५ जनाको रिर्पोट नेगेटिभ आएको छ । क्वारेन्टाईनमा बसेका बियहादी गाउँपालिका वडा नं ५ उरामपोखराका ३५ बर्षिय पुरुषमा संक्रमण पुष्टि भएको छ । उनी भारतबाट आई क्वारेन्टाईनमा बस्दै आएका थिए ।
यसैगरी नेपाल प्रहरीका २ जना, नेपाली सेनाका ९ जना, प्रहरी हिरासतमा रहेका ७ जनामा पनि नेगेटिभ रिर्पोट आएको छ । पर्वत अस्पतालको अन्तरंग बिभागमा रहेका ४ जना, कर्मचारी र अन्य सर्वसाधरण गरि ३ जनाको रिर्पोट नेगेटिभ आएको डिसिसिएमसीका प्रबक्ता प्रबिण भण्डारीले जानकारी दिनुभयो ।
समुदायमा र क्वारेन्टाईनमा बसेका बाहेकका ब्यक्तिमा कोरोना संक्रमण छ÷छैन भनेर निरन्तर परिक्षण गर्न थालिएको छ । पछिल्लो समयमा समुदायमा संक्रमणको अबस्था बुझ्न कुस्मा नगरपालिकामा १ सय जना र मोदी र जलजला गाउँपालिकामा बिभिन्न पेशा, क्षेत्र र ब्यबसायका ५०÷५० जनाको नमुना परिक्षण गर्ने तयारी समेत थालिएको छ । यसअघि कुस्मामा ५० जना, पैंयुमा १० जना र सुरक्षाकर्मी, स्वास्थ्यकर्मी लगायतको नमुना परिक्षण गर्दा पनि संक्रमण भेटिएको थिएन । पछिल्ला परिक्षणमा समुदायमा पोजेटिभ केस नभेटिएपनि सबै सर्तक र सगज नहुने हो भने जुनसुकै बेला संक्रमण भयावह हुने संभावना रहेको भन्दै सुरक्षा सर्तकता समेत बढाइएको छ ।
पर्वतमा पछिल्लो पटक गरिएको कोरोना परिक्षणमा ,सुरक्षाकर्मी सहित ७१ जनाको रिर्पोट नेगेटिभ
