बागलुङ, ३१ साउन– पहिरोले पुरिँदा बागलुङको निसीखोला गाउँपालिकामा दुइ बालक र एक वृद्दाको मृत्यु भएको छ । निसीखोला गाउँपालिका– ५ का हिराबहादुर बिकको घर शुक्रवार राती २ बजे पहिरोले पुर्दा दुइ बालकको घटनास्थलमै मृत्यु भएको हो । मृत्यु हुनेमा हिराबहादुरका १४ बर्षिय छोरा बिरेन्द्र बिक र मामाघर आएका नाती ६ बर्षिय प्रवेश बिकको मृत्युभएको हो । उनकि ५२ बर्षिया श्रीमति दिलसरा बिक घाईते रहेको जिल्ला प्रहरी कार्यालय बागलुङका सूचना अधिकारी प्रहरी नायव उपरिक्षक राजेन्द्र रेग्मीले बताए । उनलाई उपचारकालागि प्राथमिक स्वास्थ्य केन्द्र बुर्तिवाङ ल्याइएको छ ।
घटनास्थलमा इलाका प्रहरी कार्यालय झिंवाखोलाका टोली र स्थानीयले बिहान उद्दार गरेका थिए । शनिवार बिहान निसीखोला गाउँपालिका वडा नं। ३ धारखर्कमा पनि पहिरोले एक घर पुरेको छ । पहिरोमा परेर ७२ बर्षिय ओली कामीको मृत्यु भएको हो । पहिरोले कामीको घर पुरेको हो । उक्त घरमा को को थिए भन्ने अझै खुलेको छैन । घटनास्थल तर्फ प्रहरी टोली जाँदै गरेको वडा अध्यक्ष जुनबिक्रम शाहीले जानकारी दिए ।
निसीखोलाको दुईठाउँमा पहिरो, तीन जनाको मृत्यु
