पर्वत । जनता समाजवादीका जिल्ला अध्यक्ष सहितका नेताहरु नेकपा एमाले पर्वतमा प्रवेश गरेका छन् । एमालेको जिल्ला स्तरीय अगुवा कार्यकर्ता भेलाको अवसरमा जनता समाजवादीका जिल्ला अध्यक्ष ओम बहादुर भण्डारी सहितका नेता कार्यकताहरु एमालेमा प्रवेश गरेका हुन् ।
नव प्रवेशीहरुलाई नेकपा एमालेका केन्द्रिय सचिव योगेश भट्टराई र पर्वत जिल्ला अध्यक्ष पदम गिरीले टिका तथा खादा लगाएर एमालेमा स्वागत गरेका थिए ।एमालेको जिल्ला भेलाको अवसरमा विभिन्न पाटीबाट झण्डै ३५ जना युवाहरु एमालेमा प्रवेश गरेको एमाले जिल्ला सचिवालय सदस्य बिमल लामिछानेले जानकारी दिए । भेलामा कांग्रेस, माओवादी र संघीय समाजवादीका जिल्ला भरका युवा कार्यकताहरु एमालेमा प्रवेश गरेका हुन् ।पाटी प्रवेश गर्नेहरुमा चन्द्र बहादुर थापा, भीमलाल आचार्य, सन्तोष विक, भुवन केसी, कृष्ण श्रेष्ठ, कृष्ण कसी, मिन घिमिरे लगाएतका युवाहरु रहेका छन् ।