गृह पृष्ठ जीवनशैली म्याग्दीका पहिरो पीडितलाई ३० लाखको सहयोग

म्याग्दीका पहिरो पीडितलाई ३० लाखको सहयोग

म्याग्दी,१६ भदौ–अमेरिकाको न्यूयोर्कमा रहेका म्याग्देलीहरुलाई गत असार २५ गते म्याग्दीको मराङ र बिममा ३१ जनाको ज्यान लिनेगरी आएको बाढी पहिरोको खबरले मर्माहत बनायो ।
न्यूयोर्कमा भविष्य खोजिरहेको म्याग्देलीहरुको मन आफ्नै पाखा पखेरामा पुग्यो । पहिरोबाट क्षतविक्षत भएका गाउँबस्तीमा पुग्यो । कानले पीडितहरुको चित्कार र रुवाई सुनेको अनिभूति गर्न थाले । मन अमिलो भयो । र, उनीहरुलाई लाग्यो जन्मभूमिमा पीडा छ, हामीले पनि केही सहयोग गर्नैपर्छ ।
त्यसपछि उनीहरु म्याग्दी समाज न्यूयोर्कमार्फत संगठित रुपमा नै आफ्नो गृह जिल्लाका बाढी पहिरो पीडितहरुलाई आर्थिक सहयोग जुटाउने अभियानमा लागे । रमेश तुलाचनको संयोजकत्वमा सहयोग संकलन समिति गठन भयो । र, डेढ महिनाको अविधिमा अमेरिकाको न्यूयोर्कमा रहेका म्याग्देलीहरुबाट मात्र ५० लाखभन्दा बढी रकम संकलन भयो । यसरी संकलन गरेर उनीहरुले पठाएको ३० लाख शनिबार र आइतबार म्याग्दीको मालिका, मंगला र धवलागिरि गाउँपालिकाका बाढी पहिरो पीडितहरुलाई वितरण गरिएको छ ।
म्याग्दी समाज न्यूयोर्कले पठाएको रकम तीन स्थानीय तहमा बाढी पहिरो प्रभावितलाई सम्बन्धित गाउँपालिका प्रमुख, वडा अध्यक्ष, म्याग्दी समाज न्यूयोर्कका प्रतिनिधिले हस्तान्तरण गरेका हुन् ।
समाजले पूर्णरुपमा विस्थापित ९७ घरधुरीलाई प्रतिघरधुरी २५ हजार, ३१ जना मृतकलाई प्रतिमृतक १० हजार, १३ जना घाईतेलाई प्रतिघाईते १० हजार र ४ जना सुत्केरी महिलालाई १० हजारको दरले सहयोग हस्तान्तरण गरेको समाजका म्याग्दी प्रतिनिधि पूर्णबहादुर पुनले जानकारी दिए । ‘सहयोग पीडितकै हातमा हस्तान्तरण गरिएको छ, पुनले भने । म्याग्दीमा बाढीपहिरोबाट केही घर थपिएकाले समाजमा जानकारी समेत गराइएको उनले बताए ।

छुटाउनुभयो कि?

पर्वतको मुडिकुवामा पहिरोले घर पुरिँदा एक बालिकाको मृत्यु

पर्वत,२९ भदौ - पर्वतको फलेवास नगरपालिका वडा नं. ४ मुडिकुवा स्थित शिर्शुवामा पहिरोले घर पुरिँदा एक बालिको मृत्यु भएको छ ।स्थानीय नबिन विकको घर...

३ वर्षिया बालिकालाई जवरजस्ती गरेको आरोपमा पर्वतको रानीपानी बाट एक जना पक्राउ

पर्वत ,२७ कात्तिक–  पर्वतको विहादी गाउँपालिका वडा नं. ३ रानीपानीकी ३ वर्षिया बालिकालाई जवरजस्ती करणी गरेको आरोपमा एक युवा पक्राउ परेका छन् । पक्राउ पर्नेमा...

शिव अखेलिको शब्दमा ! सम्झना र बिक्रमको आवाजमा के छ का खबर?(भिडियो सहित)

काठमाण्डाै,१४ पौष -लोकप्रिय गायिका सम्झना लामिछाने मगरको आवाज रहेको निकै उत्कृष्ट गीत के छ का खबर सार्वजनिक भएको छ ।सम्झनालाई आवाजमा विक्रम रानाले साथ...

बागलुङमा एक बर्षिया बालिका सहित ,आठ जनामा कोरोना संक्रमण पुष्टि

बागलुङ, ११ भदौ–बागलुङमा समुदायका ८ जनामा कोरोना संक्रमण पुष्टि भएको छ । जिल्लाको बागलुङ नगरपालिकाका ७ जना र काठेखोला गाउँपालिकाका एक जनामा कोरोना संक्रमण...

देशको समृद्धिको आधार नै पर्यटन हो,सरकार लगानी गर्न आतुर छ : मन्त्री लम्साल

बागलुङ, २३ मंसिर– गण्डकी प्रदेशका उद्योग, पर्यटन, बन तथा वातावरण मन्त्री बिकास लम्सालले गण्डकी सरकारले पर्यटनलाई प्राथमिकतामा राखेर काम गरिरहेको बताएका छन् । मंगलवार बागलुङ...